Фазои буҷетӣ барои тандурустӣ дар Ҷумҳурии Тоҷикистон: имкониятҳои ҷалби захираҳои давлатии иловагӣ

ABSTRACT

Барномаи ислоҳоти соҳаи тандурустии Ҷумҳурии Тоҷикистон ҷиҳати ноил шудан ба фарогирии умумӣ бо хизматрасониҳои тандурустӣ (ФУХТ) аз беҳтар намудани дастрасии тамоми аҳолӣ ба хизматрасонии тиббии баландсифат ва истифодаи самараноки захираҳои давлатӣ иборат аст. Стратегияи миллии тандурустии ба наздикӣ қабулшуда (Стратегияи ҳифзи солимии аҳолии Ҷумҳурии Тоҷикистон барои давраи то соли 2030) ба далелҳо ва тавсияҳои глобалӣ пайравӣ намуда, ба тавсеаи кумаки аввалияи тиббию санитарӣ такя мекунад. Барои татбиқи стратегия ба Ҷумҳурии Тоҷикистон лозим аст, ки маблағгузории давлатиро ба соҳаи тандурустӣ ба таври қобили мулоҳиза зиёд намояд ва захираҳоро ба он соҳае ҷудо намояд, ки онҳо самараи бештар доранд. Дар айни замон, захираҳои буҷетӣ барои кӯмаки аввалияи тиббию санитарӣ кофӣ нестанд ва дар саросари кишвар нобаробар тақсим карда мешаванд, ки дар натиҷа камбудиҳои ноодилона дар дастрасии хизматрасонии тиббӣ ба вуҷуд меоянд. Аз ин рӯ, дар истифодаи соҳаи тандурустӣ фарқиятҳои беасос вуҷуд доранд. Дар гузориши мазкур имкониятҳои алтернативии зиёд кардани фазои буҷетӣ барои саломатӣ, аз ҷумла захираҳои кӯмаки аввалияи тиббию санитарӣ тавсиф, таҳлил ва муқоиса шудаанд.